Psalms 41
1MEID pai me kin apwali me samama o. Ieowa pan kotin dorela i ni ran apwal.2Ieowa pan kotin apwali i o sinsila a maur, o a pan pwaida nin sappa, o a sota pan mueidala i nan pa en a imwintiti kan.
3Ieowa pan kotin kakelada i ni a pan mela; kom kin kotin sauasa i ni a somau karos.
4NGai inda: Maing, kom kotin maki ong ia; kakelada ngen i, pwe ngai wiadar dip ong komui.
5Ai imwintiti kan kin lokaia sued duen ngai. lad a pan mela mara pan ririla?
6A kin kodong kilang ia, a kin lokelokaia due.
7Karos me kailong kin ai, kin lidilidumongin kin ia, o re madadaue sued duen ngai.
8Me suedkot mi re a; a pupedier o solar pan uda.
9Pil kompoke pa i, me I liki, o me iang ia mangamanga, kin tiaki ia di.
10A komui Maing kotin maki ong ia, o kau ia da, pwe ai imwintiti eder ngisingis kin ia.
11I me I pan asaki, me kom kotin kupura ia, pwe ai imwintiti ender ngisingis kin ia.
12A kom kin kolekol ia pweki ia lelapok, o kom pan kotin kasone ia di mon silang omui kokolata.
13Kapinga ong Ieowa, Kot en Israel sang met o kokolata! Amen, Amen.
Copyright information for
PONPDN